هرمون التستيرون ...مهم جدا لنمو العضلات و العظام و يؤثر علي المزاج و
الرغبه الجنسيه وهو مهم بشكل مجمل للصحه العامه و هو المسؤل عن الصفات
الذكوريه لدي الرجل وبيكون في اعلي معدلاته بين سن ٢٠-٣٠ و بعد كده بينخفض
بالتدريج ... ..وهو موجود عند الرجال و النساء لكن بنسبه اقل ....طيب ايه
علاقه ده بينا.... احنا بتوع چيم و عضلات مش منتدي طبي ... افهمك انا لان
وارد يكون بطء استجابه جسمك للتمرين و بطء تكوين العضلات ان نسبه التستيرون
منخفضه عندك ....طب و الحل .....ركز معايا اول خطوه: خس شويه
...اوبمعني ادق قلل نسبه الدهون في جسمك شويه ...كل ما نسبه الدهون بتنخفض
معدلات التستيرون بتزيد جدا ...بس خليك ذكي و متعملش دايت صعب يقلب معاك
بسوء تغذيه ....استعين بدكتور تغذيه كويس ثاني خطوه : الزنك مهم جدا لانتاج
التستيرون الطبيعي و حبايه قبل النوم خلال ٦ اسابيع هتعمل فرق ملحوظ
(هاتلك علبه ڤيتا زنك من الصيدليه ب٦ جنيه باين ) ومفيد جدا للشعر و
للاظافر و الجلد . ثالث حاجه: لعب الحديد باوزان بيعلي التستيرون جدا جدا
جدا بالذات لو وزن تقيل جدا(تقدر ترفعه يعني مش انتحار هو:D ) و ٦ تكرارات
مثلا .. رابع حاجه : Vitamin D ....بيعلي مستويات الهرمون بصوره طبيعه
...وده موجود ببلاش في الشمس ...التعرض للشمس في وقت الشروق و الغروب مفيد
جدا للحصول علي ڤيتامين D خامس حاجه : التوتر و الضغط العصبي ...بتقلل نسبه
في الدم جدا جدا .... فروق يا عم الحج و مش مستاهله تستيرونك يقل محدش
هينفعك سادس حاجه : البعد عن شرب الخمور و المخدرات ....لانها بتأثر علي
الجهاز العصبي فمبيلحقش يفرز الهرمونات المطلوبه في الوقت المطلوب و ده
اكيد تحميل و اجهاد علي الجسم فمع الوقت من مضعافاته انك تبقي (ي .ي.ي )
سابع حاجه ؛( انا بدأت ازهق :D): ابعد عن البلاستيك و قلل من التعامل مع
المنظفات بيقولوا فيه مواد معينه انا مش عارف ايه هي طبعا و مش فاهم اذاي
يعني بيأثر علي التستيرون بس الكلام ده موجود علي كل المواقع الاجنبيه
تقريبا ...فلو في متخصص او دكتور معانا علي الصفحه يوضحلنا الفكره اكون
شاكر .. ثامنا : قلل من الاطعمه الاستروچينيه و فكك من اسطوره فول الصويا
لو انت راجل چيماوي تاسعا: نام كويس و ارتاح هتفرق جدا في كل حاجه و هتزيد
اسرع كتله عضليه لو بتتمرن لايك و شير يا جماعه خلي الناس تستفيد ...
اضف تعليقاً عبر:
الابتسامات